Дорнод аймгийн Хэрлэн сумаас Хавиргын боомт чиглэлийн 124.5 км замын барилгын ажил 15 хувьтай байна. Зам тээврийн хөгжлийн яамны мэдээлснээр тус чиглэлийн замыг 2026 онд нээхээр төлөвлөжээ. Мөн Баян-Уул сумаас Ульхан боомт чиглэлийн 50 км хатуу хучилттай авто замын барилгын ажил 17 хувьтай хэрэгжиж байна. Энэ чиглэлийг 2025 онд ашиглалтад оруулахаар төлөвлөн ажиллаж байгаа аж.

Авто замын барилга угсралтын ажил эхэлсэнтэй холбогдуулан Зам, тээврийн хөгжлийн төв ТӨҮГ-ын техник технологийн хяналтын зөвлөх үйлчилгээ үзүүлэх баг дөрөвдүгээр сарын 30-наас тавдугаар сарын 6-ны өдрийн хооронд газар дээр нь ажиллаж, зураг төслийн байгууллагаас дүгнэлтээ гарган захиалагчид хүргүүлэхээр боллоо.