Цагдаагийн албан хаагчид өчигдөр алга болсон гэх бага насны гурав болон таван настай хоёр хүүхдийг олж түр хамгаалах байранд шилжүүлжээ. Тодруулбал, 16:00 цагийн орчимд “Бага насны хоёр хүүхэд сураггүй алга боллоо” гэх дуудлага, мэдээлэл 18 цагийн орчимд цагдаагийн байгууллагад бүртгэгдсэн. Уг дуудлага, мэдээллийн дагуу Сүхбаатар дүүргийн цагдаагийн газар, Цагдаа, дотоодын цэргийн Сургалтын нэгдсэн төвийн Албаны нохой сургалтын хэлтсийн 90 алба хаагч, 2 эрэлч нохдын хамт эрэн сурвалжлах ажиллагааг зохион байгуулж, 00 цагийн орчимд айлын муу усны нүхнээс олсон байна. Хүүхдүүдэд Нийслэлийн яаралтай түргэн тусламжийн төвийн эмч нар тусламж үзүүлсэн бөгөөд одоогоор "Түр хамгаалах байр"-нд хамгаалалтад авч шалгалтыг үргэлжүүлж байна.