Төвөөс алслагдсан гэр болон байшин хороолол дундах хүүхдийн тоглох орчин нөхцөлийг судлахад зөвхөн Сүхбаатар дүүрэгт л гэхэд байшин хороолол дундах хүүхдийн тоглоомын талбайн 73.2 хувь нь аюулгүй байдлын шаардлага хангахгүй гэсэн дүгнэлт гарчээ.
Уг дүгнэлттэй холбогдуулан Нийслэлийн засаг даргын орлогч О.Номинчимэг "Энэ бол зөвхөн ганц дүүргийн л жишээ. Бид хүүхдэд хайртай дүр үзүүлдэг ч бодит байдал дээр хайрлаж чадахгүй байна гэсэн үг. Уг асуудалд зөвхөн төрийг буруутгах нь өрөөсгөл. Төр, ААН, иргэн бүгд хамтдаа анхаарч байж үр дүн гарна. Хэн хариуцах ёстойг тодорхой болгож, эзэнжүүлж, иргэд шаардлага тавьдаг тогтолцоо хэрэгтэй" хэмээв.
