Сүүлийн өдрүүдэд хүйтний эрч чангарч -35 хэм гарч, гадаа хучлагагүй хонуулсан автомашин хөлдөх, царцах асуудлууд үүсч байна. Иймд тээврийн хэрэгсэл эзэмшигч та бүхэнд дараах зөвлөгөөг хүргэж байна.
ГАДАА ХОНУУЛСАН МАШИН АСААХ ДАРААЛАЛ:
- Хаазан дээр гишгэлгүй START BUTTON дээр дарж ON горимоор 20 секунд байлгаж, идэвхгүй болсон аккумляторын цэнэгийг сэргээж өгдөг.
- Буцааж OFF болгоод, машинаа асаана.
- Мэдээж паараа AUTO горимд шилжүүлнэ. Учир нь мотор халаагүй учраас радиаторын хөргөлтийн шингэн халаагүй. Тэр халж байж паар халуун үлээнэ.
- Машинаа халаах явцдаа хропны речакаа D дээр тавьбал мотор ачаалал авч, хурдан хална
- Машинаа асааж, хөдлөөд 300-400 метр газар маш удаанаар явна. хөлдүү байгаа амортизатораа ажиллагаанд зөөлнөөр дасгах хэрэгтэй. Энэ нь эд ангийн эвдрэл, гэмтлээс урьдчилан сэргийлэх чухал ач холбогдолтой.
- Машин бүрэн халж хөдөлгөөнөө хэвийн үргэлжлүүлж эхэлсэн бол паарны температурыг 26-28 дээр тавьж, 3 зураас дээр байлгавал шатахуун зарцуулалтад эергээр нөлөөлнө.
