Өнгөрсөн амралтын өдөр орсон их хэмжээний цасны улмаас зарим аймагт зуд болоод буй. Тиймээс АН-ын бүлгийн зүгээс өнөөдөр "Малчдын нөхцөл байдал хүнд байна. Тиймээс ээлжит бус чуулганыг яаралтай хуралдуулж, Засгийн газарт мөнгө төгрөг шийдэх эрхийг нь өгөх хэрэгтэй. Үхсэн мал босохгүй. Тиймээс хүнээ аврах буюу малчдын зээлийг тэглэх зэрэг арга хэмжээ авах тогтоолын төслийг санаачилж, УИХ-ын даргад өргөн барихаар боллоо" гэсэн юм.

Тэгвэл Шадар сайд С.Амарсайхан "Нийт 140 мянга гаруй малчдын 1.2 их наяд төгрөгийн зээлийн эргэн төлөлтийг хойшлуулахаар Төв банк болон арилжааны банкуудтай зөвшилцөлд хүрлээ" хэмээлээ.