Хятад улс эрүүл мэндийн ажилтнуудын эсрэг хүчирхийллээс хамгаалах зорилгоор шинэ хууль санаачилсан байна.

Бээжингийн эмнэлэгт эмэгтэй эмч хутгалуулж нас барсны дараа хуулийг бий болгожээ.

Төрийн хэвлэл мэдээллийн газраас дурдсанаар тус хууль эрүүл мэндийн ажилтны хувийн аюулгүй байдал болон хүний эрхэм чанарыг гэмтээж, заналхийлсэн хувь хүн болон албан байгууллагатай арга хэмжээ авах юм.

Ирэх жилийн зургааны сарын нэгнээс хууль хэрэгжиж эхэлнэ.

Янг Вэн Бээжингийн Иргэний нисэх хүчний ерөнхий эмнэлгийн түргэн тусламжийн тасагт ажиллаж байх үеэр 12 сарын 24-нд нэгэн эрэгтэйн дайралтад өртжээ.

Хятадын хэвлэл мэдээллүүдийн дурдаж буйгаар уг хэргийг үйлдсэн хүн тус тасагт эмчилгээ хийлгэж байсан өвчтөн байсан аж.

Шинэ хуульд зааснаар “Эмнэлгийн орчинд саад учруулах эсвэл эрүүл мэндийн ажилтны аюулгүй байдал, эрхэм чанарт заналхийлсэн хүмүүс баривчлагдаа эсвэл мөнгөн торгууль төлөх зэрэг удирдлагын шийтгэл хүртэнэ. Түүнчлэн бусдын эрүүл мэндийн хувийн мэдээллийг хууль бусаар олж авах, ашиглах, ил болгох зэрэг үйлдэлд тус хуульд бас хамаарна” гэжээ.

Эх сурвалж: BBC