ХЗДХЯ-наас Эрүүгийн хуульд орсон нэмэлт өөрчлөлтийн талаар мэдээлэл өглөө. Энэ үеэр ХЗДХ-ийн сайдын туслах Д.Мөнх-Эрдэнэ Зөрчлийн тухай хуулиар торгуулиа төлөөгүй жолооч нарт оногдуулах шийтгэлтэй холбоотой мэдээллийг өгсөн бөгөөд энэ үеэрээ төлөгдөөгүй байгаа торгуулийн мөнгөн дүнтэй холбоотой мэдээллийг дурдсан юм. Тэрбээр "Монгол Улсын хэмжээнд төлөгдөөгүй байгаа торгуулийн хэмжээ 90 гаруй тэрбум төгрөгт хүрээд байна. 50-аас дээш удаагийн зөрчил гаргасан 3 мянга хүний төлөөгүй торгуулийн хэмжээ 4 тэрбум төгрөгт хүрсэн. Согтуугаар тээврийн хэрэгсэл жолоодсоны улмаас сүүлийн 5 жилийн дунджаар 111 хүн амь насаа алдсан" гэв.