Засгийн газрын өнөөдрийн хуралдаанаас гарсан зарим шийдвэрүүдийн талаар холбогдох сайд нар мэдээлэл хийж байна. Энэ үеэр Барилга хот, байгуулалтын сайд Ц.Даваасүрэн Үндэсний орон сууцны санхүүжилтийн корпорацын талаар мэдээлэл өглөө.

Тэрбээр " Үндэсний орон сууцны санхүүжилтийн корпорацын бүтцийг байгуулахаар шийдвэрлэлээ. Бид өмнө нь ипотекийн зээлийн тогтолцоог Монгол банкнаас ЗГ-т үе шаттайгаар шилжүүлнэ гэж байсан. Сарын орлого нь 2 саяас доош иргэдийн хувьд ипотекийн зээлд хамрагддаггүй чаддаггүй. Судалгаанаас харахад 19 мянга орчим айл өрхийн сарын орлого 500 мянган төгрөг учраас орон сууцны зээлд хамрагдах боломж байхгүй байна. Үүнийг зохицуулах арга хэмжээг авахаар төлөвлөж байна. Тиймээс ипотекийн зээлийг тодорхой зорилтод эмзэг бүлэг, ахмадууд, хөгжлийн бэрхшээлтэй иргэдэд олгох ажлыг зохион байгуулна" гэв.