Шинэ жилийн уур амьсгал хэдийнэ орж, ресторануудын захиалга дүүрсэн байна. Түүнчлэн шинэ жилийн үйл ажиллагааг зохион байгуулагчдын “толгойны өвчин” бол хөтлөгч, дуучид олох явдал. Тэгвэл хөтлөгч, дуучдын ч захиалга дүүрчээ. Тэд ямар үнэ ханш тогтоогоод байна вэ. Тухайлбал,

“Поп дива” МУГЖ, Дуучин Б.Сарантуяа, МУГЖ Т.Ариунаа нар тус бүр хоёр дууг 5 сая төгрөгөөр дуулах бол "Киви"-ийн Ука 4 саяар дуулахаар үнэ тогтоожээ.

Seryoja буюу дуучин Ц.Мөнхбаяр хоёр дууг 4 сая төгрөгөөр дуулж буй гэнэ. Энэ нь өнгөрсөн жилийнхтэй ижил дүн юм байна.

Seryoja 4 саяар дуулна

Хамтын уран бүтээлчид болох С.Зоригт, А.Хишигдалай нар гурван дууг 4 саяар дуулах юм байна.

Зоригт&Хишигдалай 3 дууг 4 саяар дуулна

Харин шинэ жилийн баяраа дурсамж дүүрэн тэмдэглэх хүмүүст уйдахааргүй эрч хүчтэй, цоглог хөтлөгч хэрэгтэй болдог билээ. Тэгвэл Жүжигчин Т.Бархүү, “Эмоци” продакшны жүжигчин О.Тэмүүжин нар тус бүр 5 сая, “Х-Түц”-ийн Баясаа&Зоригоо нар мөн 5 сая төгрөгөөр хөтлөлт хийх аж.

Т.Бархүү, "Эмоци" Тэмка нар тус бүр 5 саяар шинэ жил хөтөлнө

Зоригоо&Баясаа 5 сая

Түүнчлэн, Ө.Цолмонбаяр /Цоомоо/, Э.Ууганбаяр /Ууганаа/ тус бүр 6 саяар үнэлсэн бол “Яг түүн шиг”, “Аяыг таа” гэх мэт шоугаараа олонд танигдсан хөтлөгч Б.Болд 4 саяар хөтлөлт хийхээр үнээ тогтоосон байна. Үүнээс гадна хамгийн хямд хөтлөгч 2-2.5 саяын үнэтэй байгаа гэнэ.