Өнгөрөгч долоо хоногт Эрүүгийн тухай хуулийн нэмэлт өөрчлөлтийг УИХ-аар хэлэлцсэн. Ингэхдээ мөрдөн байцаалтын нууцыг задруулахтай холбоотой өөрчлөлтийг хэлэлцэх үеэр УИХ-ын гишүүн Б.Энх-Амгалан дараах байр суурийг илэрхийлсэн юм.

Тэрбээр "Мөрдөгч олж авсан баримт мэдээллүүдээ ил болгоод хэвлэл мэдээллийнхэнд мэдээлэл өгчихсөн бол эрүүгийн хуулиар шийтгэгдэх ёстой. Шалгаж байгаа хэргээрээ зохиол бичиж хэвлэл мэдээллийн хэрэгсэлд тараачихаад одоо яахыг нь харна аа, гээд хүчээр шүүхэд нөлөөлөх гэдэг оролдлогуудыг таслан зогсоох ёстой" гэсэн юм.