Яруу найрагч Ц.Хулан болон лам Б.Отгонбаатар нарын гомдлыг өчигдөр давж заалдах шатны шүүхэд хэлэлцсэн. Тодруулбал, өнгөрсөн долоодугаар сарын 25-нд анхан шатны шүүхээс тэднийг гадаадын тусгай албатай хамтран ажилласан гэм буруутайд тооцож, яруу найрагч Ц.Хуланд есөн жил 6 сар, лам Б.Отгонбаатарт 8 жил хорих ял оноосон байдаг.

Харин тэд шүүхийн шийдвэрийг эсэргүүцэж, давж заалдсанаар Нийслэлийн давж заалдах шатны шүүх өчигдөр гомдлыг хэлэлцэж, Ц.Хуланд оногдуулсан 9 жил 6 сарын хорих ялыг 8 жил 1 сар болгон хөнгөрүүлэн өөрчилж, Б.Отгонбаатарыг эрүүгийн хариуцлагаас чөлөөлж шийдвэрлэсэн байна.