Цахим орчин хийгээд хэвлэл мэдээллийн хэрэгслээр янжуур тамхи болон электрон тамхины талаар эерэг болон сөрөг мэдээлэл тархдаг. Гэвч залуус сүүлийн үед электрон тамхийг их хэрэглэдэг болсон. Тэгвэл тун удахгүй янжуур тамхи болон электрон тамхийг зохицуулах хуультай болох аж.

Тодруулбал, "Ай Ёо доктор" буюу Б.Дугархүү эмч өөрийн цахим хуудсаараа дамжуулан хуулийн төсөл дээр ажиллаж буйгаа мэдээллээ. Тэрбээр, "Тамхи болон электрон тамхийг маш хатуу зохицуулах хуулийн төсөл дээр ажиллаж байна. Тун удахгүй энд тэнд дураараа татахгүй болгоно" гэжээ.

Уг хуулийн төсөл дээр Эрүүл мэндийн сайд асан, Ерөнхийлөгчийн зөвлөх Т.Мөнхсайхан болон Ерөнхийлөгчийн орон тооны бус зөвлөх Б.Дугархүү нар ажиллаж байгаа аж.