Өнөөдөр зүүн аймгуудын нутгийн хойд хэсгээр их хэмжээний бороо, дуу цахилгаантай аадар бороо орно. Тиймээс аянга цахилгаан, мөндөр, нөөлөг салхи, үер усны аюулаас сэрэмжтэй байхыг УЦУОШГ-аас анхааруулж байна.

Мөн хүчтэй аадар бороо, мөндөр орсон үед,

• Үерийн аюултай бүсээс хол, аюулгүй газарт байрлах
• Орон сууцны хорооллын граж, В1 давхарт ус орохоос сэргийлэн хамгаалалт татах
• Үерийн аюулаас гэр орон, эд хөрөнгө, ундны усны нөөц худгаа хамгаалах далан, суваг, шуудуу, хашлага барих
• Хүүхдийг гол мөрөн, нуур, тогтоол ус, цөөрмийн ойролцоо тоглуулахгүй байх
• Гол, мөрөн нуурын ойролцоо амарч зугаалахдаа сонор, сэрэмжтэй байж, уулын ам, голын ай сав, үерийн буулт бүхий газарт отоглож, хоноглохгүй байх
• Зөвхөн баталгаат зам гүүрээр зорчихыг зөвлөж байна.