Баянхонгор аймгийн Баянговь сумын Далай багийн “Жаргалантын-Ам” гэдэг газар тус сумын харьяат малчин Б наймдугаар сарын 12-ны өдөр явганаар мал хариулж яваад сураггүй болсон байна.
Энэ тухай дуудлага наймдугаар сарын 13-ны өдрийн 15:20 цагт ОБГ хүлээн авсан. Тус аймгийн Онцгой байдлын газрын Баянговь сум дахь Эрэн хайх, аврах бүлэг, тус сум дахь Цагдаагийн хэсгийн алба хаагчид, Баянговь сумын Засаг даргын Тамгын газрын ажилтнууд, ар гэрийнхэн малчин Б /37 настай, эрэгтэй/-ийг эрэн хайх ажиллагааг зохион байгуулж 20:20 цагт тус багийн “Ар жаргалант” гэдэг газар /гэрээс нь зүүн зүгт 3 км/-аас эсэн мэнд олжээ.
