Монгол Улсын гавьяат тамирчин Э.Цэндбаатар АНУ-д мэргэжлийн боксын зургаа дахь тулаанаа өнөөдөр буюу дөрөвдүгээр сарын 27-нд Нью Йорк хотын "Sony Hall" танхимд хийлээ. Тэрбээр "WBC, NABF Junior Super Featherweight" буюу 59 кг-ийн жингийн аваргын бүсний төлөө Мексикийн боксчин Эди Валенсиатай тулалдаж ялалт байгуулсан билээ.
Тулааны дараа МУГТ Э.Цэндбаатар өөрийн байр сууриа цахим хуудсаараа дамжуулан хүргэжээ. Тэрбээр “Үргэлж дэмждэг монголын ард түмэндээ баярлалаа. Хүчтэй тамирчинтай найман үе тоглож хожсондоо баяртай байна” гэв.
