Филиппиний алдарт шивээсчин 106 настай Апо Ван-Од “Vogue” сэтгүүлийн дөрөвдүгээр сарын нүүрийг чимжээ.
Тэрбээр 1917 оны хоёрдугаар сарын 17-нд төрсөн бөгөөд 16 настай байхдаа ааваараа шивээс хийхийг заалгаж байжээ. Апо Ван-Од шивээс хийхдээ ус, нүүрсийг хольж бэх гаргах ба нутагтаа ургадаг жимсний модны өргөсийг ашигладаг аж. Мөн геометрийн дүрс болон байгалиас санаа авсан шивээс гол төлөв хийдэг байна.
Түүнээс гадна "Vogue" сэтгүүлд гарсан хамгийн өндөр настай эмэгтэй болж буйгаараа онцлогтой юм.
