АТГ-аас нүүрсний гэх тодотголтой авлига, албан тушаалын гэмт хэрэгт УИХ-ын гишүүн Т.Аюурсайхан, Н.Наранбаатар, “Ажнай” Д.Бат-Эрдэнэ нарыг яллагдагчаар татсан. Улмаар УЕП Б.Жаргалсайхан гурван гишүүний бүрэн эрхийг түдгэлзүүлэх саналыг өнгөрсөн даваа гарагт УИХ-ын дарга Г.Занданшатарт өгсөн юм.
Тэгвэл эл асуудлыг өнөөдөр Халдашгүй байдлын дэд хорооны хурлаар хэлэлцэж байна. Тус дэд хороонд Ц.Мөнх-Оргил, Н.Энхболд, Б.Бат-Эрдэнэ, Сү.Батболд, С.Бямбацогт нарын гишүүд харьяалагддаг бөгөөд 100 хувийн ирцтэйгээр хуралдаж байна гэж УИХ-ын гишүүн, Халдашгүй байдлын дэд хорооны дарга Ц.Мөнх-Оргил мэдээллээ.
