Т.Аюурсайхан УИХ-ын гишүүн, ХНХ-ын сайдаасаа чөлөөлөгдөх хүсэлтээ өгч буйгаа цахим орчинд мэдэгдсэн. Улмаар УИХ-ын дарга Г.Занданшатар болон Ерөнхий сайд Л.Оюун-Эрдэнэ нарт хаягласан бичгээ өөрийн цахим хуудаст нийтэлсэн юм.
Гэвч АТГ-аас Т.Аюурсайханы бүрэн эрхийг түдгэлзүүлэх хүсэлтийг прокурорт хүргүүлж байгаа нь олон нийтийн анхаарлыг татсан. Учир нь УИХ-ын гишүүн Ж.Мөнхбат, Т.Аюурсайхан нар хоёулаа бүрэн эрхээсээ чөлөөлөгдөх хүсэлтээ УИХ-д өгсөн байтал Ж.Мөнхбатыг өөрөө татгалзах хүсэлт гаргасан тул АТГ-аас прокурорт хандаагүй. Харин Т.Аюурсайханы бүрэн эрхийг түдгэлзүүлэх хүсэлт хүргүүлж байна гэсэн юм.
Тэгвэл Т.Аюурсайхан гишүүнээс чөлөөлөгдөх хүсэлтээ УИХ-ын даргад өгсөн эсэх талаар УИХ дахь МАН-ын бүлгийн дарга Д.Тогтохсүрэнгээс тодруулахад "Т.Аюурсайхан УИХ-ын гишүүнээс татгалзах хүсэлтээ УИХ-ын дарга Г.Занданшатарт өгөөгүй юм билээ. Харин Засгийн газрын гишүүнээс чөлөөлөгдөх хүсэлтээ ЗГ-т өгсөн байсан" гэлээ.
