Лхагва гариг бүр Засгийн газар хуралддаг. Энэ дагуу ЗГ-ын ээлжит хуралдаан өнөөдөр товлогдоод буй. Харин өнөөдөр Ерөнхий сайд Л.Оюун-Эрдэнийн Засгийн газар шинэ бүрэлдэхүүнээрээ хуралдаж байгаа юм. Тодруулбал, өнгөрсөн даваа гаригт Засгийн газрын шинэ сайдууд томилогдож, өчигдөр тангараг өргөсөн юм.
Шинэ сайдуудад,
- ЗГХЭГ-ын даргаар МАН-ын генсек Д.Амарбаясгалан,
- Эдийн засаг, хөгжлийн сайдаар Ч.Хүрэлбаатар,
- Уул уурхай, хүнд үйлдвэрийн сайдаар Ж.Ганбаатар,
- Эрчим хүчний сайдаар Б.Чойжилсүрэн,
- Хөдөлмөр, нийгмийн хамгааллын сайдаар Д.Сарангэрэл,
- Зам, тээврийн хөгжлийн сайдаар С.Бямбацогт,
- Цахим хөгжил, харилцаа холбооны сайдаар Н.Учрал,
- Хүнс, хөдөө аж ахуй, хөнгөн үйлдвэрийн сайдаар Х.Болорчулуун,
- Нийслэлийн асуудал эрхэлсэн сайдаар УИХ дахь МАН-ын бүлгийн дэд дарга Ж.Сүхбаатар,
- Спорт, олимпизмын асуудал эрхэлсэн сайдаар Б.Бат-Эрдэнэ нар томилогдсон.
Харин хуучин сайдуудаас
- Шадар сайд С.Амарсайхан,
- Сангийн сайд Б.Жавхлан,
- Хууль зүй, дотоод хэргийн сайд Х.Нямбаатар,
- Боловсрол, шинжлэх ухааны сайд Л.Энх-Амгалан,
- Гадаад харилцааны сайд Б.Батцэцэг,
- Батлан хамгаалахын сайд Г.Сайханбаяр,
- Соёлын сайд Ч.Номин,
- Байгаль орчин, аялал жуулчлалын сайд Б.Бат-Эрдэнэ
- Барилга хот байгуулалтын сайд Б.Мөнхбаатар
- Эрүүл мэндийн сайд С.Энхболд нар үргэлжлүүлэн ажиллахаар болсон юм.
