Монгол Улсын засгийн газар өнөөдөр /2022.08.24/ ээлжит хуралдаанаа хийж, шийдвэрээ танилцуулж байна. Хуралдаанаар, ургац хураалтын урьдчилсан баланс, махны экспортын талаар танилцуулга хийсэн. Тэгвэл мах махан бүтээгдэхүүний экспортын талаар ХХААХҮ-ийн сайд З.Мэндсайхан мэдээлэл өгөхдөө дараах зүйлийг хэллээ.

Тэрбээр, "Өнгөрсөн зургаадугаар сарын 08-ны өдрийн ЗГ-ын 32 дугаар тэмдэглэлд дулааны аргаар боловсруулсан мах махан бүтээгдэхүүнийг экспортод гаргахыг түр түдгэлзүүлсэн. Үүнтэй холбоотойгоор МХЕГ болон холбогдох хуулийн байгууллагууд шалгалт хийж дууссан.

Шалгалтаар, Экспорт хийх эрхтэй 11 ААН-ийн дулааны аргаар боловсруулсан 5720 тонн мах, 7 ААН-ийн 3817 тонн адууны мах буюу нийт 10 орчим тонн махыг экспортод гаргах эрүүл ахуйн шаардлага хангасан гэж үзээд, өнөөдрийн хуралдаанаар оруулж шийдвэрлүүлэлээ.

Ингэснээр нийт 16 ААН-ийн 9537,6 мянган тонн махыг экспортод гаргах боломжийг бүрдүүлсэн. Цаашид экспортод ямар нэгэн хориг тавихгүй, засгийн газар ХАА-н гаралтай бүтээгдэхүүнийг экспортод гаргах ажлыг дэмжиж ажиллана. Гол тавих шаардлага нь эрүүл ахуй, стандартын шаарлага хангасан байх ёстой" гэлээ.