Улсын Ерөнхий прокуророос УИХ-ын 4 гишүүний бүрэн эрхийг түдгэлзүүлэх асуудлыг оруулж ирсэн. Үүний гурав нь МАН-ын гишүүн бол нэг нь АН-ынх юм. Гишүүдийн нэрийг оруулж ирсэн нь хэдийгээр хуулийн дагуу оруулж ирж байгаа ч эрх баригч намын шийдвэр бодлого байгаа гэж улстөрийн хүрээнийхэн таамаглаж буй.

Тэгвэл УИХ-ын гишүүдийг түдгэлзүүлэх үү, эс түдгэлзүүлэх үү гэдэг чухал үед МАН-ын Ерөнхий нарийн бичгийн дарга Д.Амарбаясгалан эзгүй, гадаадад байгаа гэх мэдээллийг эх сурвалжууд өгч байна. Тодруулбал, түүнийг БНСУ-д байгаа гэх мэдээлэл байна.

Энэ чухал үед намын дарга, Ерөнхий нарийн бичгийн дарга нар нэлээд үүрэгтэй оролцоно. Гишүүдээ авч үлдэх эсэх чухал шийдвэрийг гаргана. Гэтэл МАН-ын Ерөнхий нарийн бичгийн дарга Д.Амарбаясгалан эзгүй байгаа нь ойлгомжгүй нөхцөл байдлыг үүсгэж байна гэж улстөрийн хүрээнийхэн ярьж байна.

Г.Лхагвадорж