АТГ-аас Нийслэлийн худалдан авах ажиллагааны газрын нэр бүхий хоёр албан тушаалтныг эрүүгийн хэрэгт яллагдагчаар татаж, өчигдөр саатуулсан байна. Тэднийг эрх мэдэл, албан тушаалын байдлаа урвуулан ашиглан, бусдад давуу байдал олгосон гэх үндэслэлээр шалгаж байгаа аж. Тодруулбал, нэр бүхий аж ахуйн нэгжид давуу байдал бий болгож, тендер шалгаруулсан болох нь баримтаар тогтоогджээ.

Эх сурвалжийн мэдээлж буйгаар, тэдний гэр болон Худалдан авах ажиллагааны газарт нэгжлэг хийж, тэдний оффисоос авлигад авсан мөнгийг хураан авсан байна.

Энэ талаар бид эргэн мэдээлэх болно.