Тагнуулын Ерөнхий газраас иргэн Ч.Мөнхбаярыг саатуулснаар багагүй хугацааг үдэж байна. Тодруулбал түүнийг гадаадын тусгай албаныхантай холбоотой байж болзошгүй, түүний дансанд их хэмжээний ам.доллар гадаадаас орж ирсэн гэсэн үндэслэлээр хойшлуулшгүйгээр баривчилсан. Тэгвэл уг асуудалтай холбоотойгоор Ерөнхийлөгч асан Ц.Элбэгдорж өөрийн жиргээндээ бичсэн байна.

Тэрбээр “Миний хүү бол цэргийн офицер хүний хүүхэд. Бид хүүхдээ хэтэрхий Эх оронч өсгөсөн болохоос биш Эх орноосоо урвагч болгож өсгөөгүй. Ч.Мөнхбаярыг ээжээс нь хэн илүү мэдэх билээ. Харин дэлхийн монголчууд түүнийг Монгол үндэстний төлөө тууштай тэмцэгч гэдгээр нь бахархдаг, хайрладаг" хэмээжээ.