Аавынхаа амжилтыг үргэлжлүүлж, NBA-ийн тамирчин болох зорилготой Ш.Энхийн-Од Америкийн оюутны спортын холбоо (NCAA)-ны дээд лигт урилгаар тоглосон Монголын анхны тамирчин болсон билээ.

Тэгвэл тэрээр “Nike” компаниас зохион байгуулдаг “Nike hoop summit” шоу тоглолтод оролцох 12 тамирчны нэгт багтжээ. Өсвөрийн бүх оддын тоглолт гэгддэг тус тэмцээнд АНУ, Дэлхийн баг өрсөлдөх аж. Тоглолт дөрөвдүгээр сарын 8-нд Портланд хотод зохион байгуулагдана.