Засгийн газрын ээлжит хуралдаан 2021 оны арвандугаар сарын 31-нд болж хэд хэдэн асуудлуудыг хэлэлцэн шийдвэрлэсэн. Тухайлбал, Айл өрхийн эрчим хүчний төлбөрийг 2022 оны зургадугаар сар хүртэл төрөөс хариуцах, Замын-Үүд дэх дундын бүсээс тээвэр логистикийн талбай хүртэл богино тээврийг нэгдсэн зохион байгуулалтад оруулах, залуу уран бүтээлчдэд мөнгөн шагнал олгохоор болсон. Түүнчлэн мэдээллийн “МОНЦАМЭ” агентлагийг Ерөнхийлөгчийн Тамгын газарт шилжүүлэх шийдвэрийг Засгийн газраас гаргажээ.