Коронавирусийн омикрон хувилбараас сэргийлэх үүднээс гадаадаас ирж буй иргэдийг гурав хоног тусгаарлаж буй. Уг шийдвэрийн хэрэгжилтийн талаар УОК-ын Нарийн бичгийн дарга Т.Баярхүүгээс тодрууллаа.

Тэрбээр "Улаанбаатар хот болон ойр орчимд 300 гаруй зочид буудал бий. Үүнээс тусгаарлалтын шаардлага хангасан 30 орчим буудал байна. Өнөөдрийн байдлаар 16 буудалд 730 хүнийг тусгаарлаад байна. Омикрон хувилбар одоогоор албан ёсоор бүртгэгдээгүй. Зөөвөрлөгдөж ирсэн 300 орчим тохиолдол бий. Тухайлбал, Энхийг сахиулах ажиллагаанд оролцсон алба хаагчаас коронавирус илэрсэн. Одоогоор вирусийн хувилбарыг тодорхойлох шинжилгээ үргэлжилж байгаа" гэв.