Өнөөдрийн байдлаар 12.938 иргэн ипотекийн зээлд хамрагдаад байна. Нийт зээлдэгчдийн 9731 нь Улаанбаатарт, 3207 нь хөдөө орон нутгаасаа зээлд хамрагдсан аж. Ингэснээр 12 мянга гаруй иргэний ипотекийн зээлийн санхүүжилтэд 982.2 тэрбум төгрөгийг зарцуулжээ.

Засгийн газрын ээлжит хуралдаанаар Цар тахлын хуулийг хэлэлцэж, зургаан сараар сунгах нь зүйтэй гэж үзсэн. Тэгвэл ковидын хуулийг зургаан сараар сунгаснаар тус зээлийн гаралт удааширна гэх эрсдэл байхгүй талаар Сангийн сайд Б.Жавхлан мэдээлж байсан удаатай.