Чикаго Буллс, Шарлотт Хорнетс багууд улирлын ээлжит учраа таарсан тоглолтоо хийж, 133:119 харьцаагаар Буллс хожлоо. Ингэснээр тэд улирлын 14 дэх хожлоо авч, бүсийнхээ хоёрдугаар байрт бичигдэж эхлэв. Тус тоглолтын өмнө Буллс, Шарлотт багууд бүсийнхээ тав болон зургаадугаар байрт бичигдэж байсан юм.

Өнөөдрийн тоглолтод Буллсаас Лавин, Вүчэвич, Дерозэн нар тус тус 25-аас дээш оноо авч багаа хожилд хөтөлсөн бол Лонзо Болл 16 оноо 8 дамжуулалт өгсөн байна. Харин Шарлоттоос Терри Розьер 31, Гордан Хэйвард 22, Кэлли Үбрэ 18 оноо авчээ. Харин Ламело Болл 18 оноо, 13 дамжуулалт өгчээ.