С.Зориг агсны хэрэг сонгууль бүрийн өмнө гарч ирдэг хамгийн хүчтэй сэдвүүдийн нэг гэж хэлэхэд хилсдэхгүй. Хэдхэн өдрийн өмнө л гэхэд Т.Чимгээ "Цензургүй яриа" нэвтрүүлэгт ороод амжсан. Тэгвэл уг хэрэгтэй холбоотой УИХ-ын гишүүн Б.Энхбаяр үзэл бодлоо илэрхийлжээ. Тэрбээр, "Одоо С.Зоригийн алуурчдын хэргийг захиалагчдын хэрэгтэй нэгтгэн шалгана гэж Хууль зүйн сайд мэдэгдсэн. Энэ бол илэрсэн алуурчдыг “илрээгүй” захиалагчаар бамбайлж хэргийг юу ч биш болгох, алуурчдын хэргийг шүүх рүү явуулахгүй “тогтоон барих” технологи мөнөөсөө мөн. Хараад л байгаа" гэв.
