"Токио 2020" зуны олимп үргэлжилж байна. Коронавирусын халдвар авсны улмаас олимпт оролцож чадалгүй хасагдсан харамсалтай тохиолдлын тоо дахин нэгээр нэмэгдлээ. Энэ удаад Токиод зөвхөн алтан медаль мөрөөдөж ирсэн Америкийн тулгууртай харайгч, дэлхийн хошой аварга Сэм Кендрикс дээрх шалтгааны улмаас олимпыг өнжихөөр болсныг тус улсын Үндэсний олимпын хороо мэдээлэв.

Кендриксийг зочид буудалд тусгаарлажээ. Тэрбээр Риогийн олимпод 5.85 метр дээгүүр харайж хүрэл медаль хүртсэн бол сүүлийн хоёр ДАШТ-д 5.95, 5.97 үзүүлэлтээр дараалан түрүүлээд байв.