Хөвсгөл аймгийн Мөрөн сумын Урандөш багийн “Задгай”-д Дэлгэр мөрний эрэг дээр дөрвөн хүн зугаалж байснаас нэг хүн нь сэлж байгаад живсэн тухай дуудлага долдугаар сарын 23-нб өдөр бүртгэгджээ. Дуудлагын дагуу тус аймгийн Онцгой байдлын газрын алба хаагчид тус сумын харьяат 28 настай, эрэгтэй Д-г эрэн хайх ажиллагааг зохион байгуулж байна. Өчигдөр буюу долдугаар сарын 26-ны өдөр Хилэнтийн гүүрнээс Тосонцэнгэл сумын Тээл багийн Тэгш булан гэдэг газар хүртэл 90 км-т завиар эрэн хайх ажиллагааг зохион байгуулсан боловч үр дүнд хүрээгүй тул мөн өдрийн 19:15 цагт түр зогсоосон аж. Эрлийн ажиллагааг өнөөдөр буюу долдугаар сарын 27-ны 06:00 цагт дахин эхлүүлсэн талаар албаныхан мэдээллээ.