Хөвсгөл аймгийн Түнэл суманд хүн амины ноцтой хэрэг гарчээ. Тодруулбал, тус сумын зургадугаар багийн 30 орчим настай малчин залуу 40 орчим настай иргэний аминд хүрээд хэргийн газраас оргон зугтжээ.

Энэ талаар цагдаагийн байгууллагаас тодруулахад, гэмт хэрэгтнийг эрэн сурвалжилж байгааг мэдээллээ. Гэмт этгээд согтууруулах ундаа хэрэглэсэн үедээ хүйтэн мэс хэрэглэж амь хохирогчид халдсан гэх урьдчилсан таамаг гарчээ.