Ерөнхий сайд Л.Оюун-Эрдэнэ Дорноговь аймгийн Замын-Үүд суманд өнгөрсөн долоо хоногт ажиллах үеэрээ Замын-Үүд дэх нөхцөл байдал 30 хоногт сайжрахгүй бол албан тушаалтнуудад хариуцлага тооцно хэмээн мэдэгдсэн. Учир нь Хятадын тал халдвар хамгаалал, ариутгал хангалтгүй байна гэсэн үндэслэлээр хязгаарлалт тавьж байгааг албаны хүмүүс мэдээлсэн юм.

Улмаар өнөөдөр ХЗДХ-ийн сайд Х.Нямбаатараар ахлуулсан АТГ, ТЕГ, ЦЕГ, МХЕГ-ын бүрэлдэхүүнтэй ажлын хэсэг Дорноговь аймагт ажиллаж, албан тушаалтнуудыг чөлөөлжээ. Тодруулбал, Замын-Үүд дэх Гаалийн газрын дарга Д.Зоригоогийн оронд нь Улаанбаатар хот дахь Гаалийн газрын даргын үүргийг түр орлон гүйцэтгэгч Б.Отгонсүхийг томилсон байна.