Монголын нүүрсний хамгийн том олборлогч, экспортлогч “Эрдэнэс Тавантолгой” ХК нь улсын төсвийн томоохон саалийн үнээний нэг. Төсвийн орлого, валютын нөөц бүрдүүлэхэд чухал үүрэгтэй тус компанийн орлого ямар байх нь нүүрсний үнэ, экспорт ямар байхаас шууд хамааралтай. Тус компани нүүрсээ биржээр арилжаалж Гашуунсухайт-Ганцмод боомтоор тээвэрлэж байна. Мөн Ханги-Мандал боомтоор нүүрсний багахан хэсгийг тээвэрлэж байгаа юм. Нүүрсний экспортыг нэмэгдүүлэхийн тулд энэ онд Эрээн-Замын-Үүд боомтоор нүүрс тээврийг эхлүүлэхээр төлөвлөж байгаа юм байна. Тодруулбал, Замын-Үүд хүртэл төмөр замаар нүүрс тээвэрлэх бол цааш авто замаар нүүрсээ гаргах юм байна.