СЕХ: Иргэн Б.Цэцэг хууль зөрчсөн нь тогтоогдвол 10 сая төгрөгөөр торгоно

Ангилал
Улс төр
Хэзээ
2021/06/09
Унших
1 минут 34 секунд
QR кодыг уншуулж мэдээг утсаараа унших боломжтой.

Иргэн Б.Цэцэг Сонгинохайрхан дүүргийн хэсгийн хороонд очиж санал өгөхдөө, бүх үйл явцаа дүрсжүүлж аваад фэйсбүүктээ тавьжээ. Хэдийгээр цагаан сонголт хийх эсэх нь тухайн хүний асуудал ч гэлээ саналын хуудсаа ил барин дэлгэсэн нь Зөрчлийн хуулийн дагуу 10 сая төгрөгөөр торгуулах үйлдэл байж болзошгүй талаар бид өмнө нь мэдээлж байсан.

Тэгвэл дөнгөж сая мэдээлэл СЕХ мэдээлэл хийх үеэрээ СЕХ-ны Хууль зүйн хэлтсийн дарга Д.Бат-Эрдэнэ уг асуудалтай холбоотойгоор дараах тайлбарыг хэллээ. Тэрбээр, "Зөрчлийн тухай хуулийн 17.1-р зүүлийн 30.2 дахь хэсэг дээр сонгогч саналаа тэмдэглэсэн болон саналын хуудасны зургийг бусдад харуулах, мөн зургийг нь авах, дүрс бичлэг хийхийг хориглоно. Хэрвээ үүнийг зөрчсөн нь тогтоогдох юм бол 10 мянган нэгжтэй тэнцэх хэмжээний төгрөгөөр торгоно гэж заасан байгаа. Бусад зөрчлүүдтэй харьцуулахад харьцангуй өндөр торгууль буюу 10 сая төгрөгийн торгууль юм. Яагаад гэвэл энэ зохицуулалт нь сонгогчийн саналыг худалдаж авахаас сэргийлсэн зохицуулалт байгаа юм" гэв.

Өөрөөр хэлбэл уг үйлдлийг хуулийн байгууллага шалгах бөгөөд хууль зөрчсөн нь тогтоогдвол зөрчлийн тухай хуулиар 10 сая төгрөгийн торгуулийг төлөх ажээ.

Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!