Лос Анжелэс Лэйкэрс Голдэн Стэйт Уорриорс багуудын хооронд плэй-оффын долдугаар байрны төлөөх плэй-ин тоглолт болж 103:100 харьцаатайгаар эцсийн мөчид Лэйкэрс хожлоо.

Лэйкэрсээс Леброн 22 оноотой трибл дабл хийн багаа манлайлсан бол Энтони Дэвис 25 оноо 12 самбар авч түүнд тус хүргэжээ. Харин Уорриорсоос Стефэн Көрри 37 оноо 6 холын шидэлт, Андрью Уиггинс 21 оноо 2 самбар авчээ.

Тоглолтын дүнд Лэйкэрс Өрнөд бүсийн долдугаар байранд шалгарч байгаа бол Дайчид наймдугаар байрны төлөө Мемфистэй тоглохоор боллоо.