Хятадын Шэньжэнь хотод өчигдөр 350 метр өндөр барилга ганхаж, хүмүүсийг нүүлгэн шилжүүлжээ. Тус хотын Онцгой байдлын газраас мэдээлснээр, уг барилга орон нутгийн цагаар 13 цаг 50 минутад ганхаж, иргэдэд чичирчийлэл мэдрэгджээ. Онцгой байдлын газрынхан газар хөдлөлтийн станцын мэдээллийг шалгасан боловч энэ үеэр хотод чичирхийлэл бүртгэгдээгүй байна.

Тэнгэр баганадсан барилга ганхсаны шалтгааныг одоогоор тодруулж чадаагүй байгаа бөгөөд барилгыг мэргэжлийн хүмүүс шалгаж байгаа гэнэ. "Сайге Даша" хэмээх 355.8 метр өндөр энэхүү барилгыг 2000 онд барьжээ. Газраас дээш 75 давхар, газар доор 4 давхартай байна.

Эх сурвалж: BBC