УОК-оос коронавирусийн халдвар авсан хүүхдүүдийн талаарх тоон мэдээллийг хүргэлээ. Өнгөрсөн хугацаанд нийт 10 мянга гаруй хүүхэд коронавирусийн халдвар авсан ба үүнийг задалбал;

• 0-4 насны 2230 хүүхэд /22 хувь/
• 5-9 насны 3231 хүүхэд /32 хувь/
• 10-14 насны 3105 хүүхэд /31 хувь/
• 15-17 насны 1432 хүүхэд /14,3 хувь/ тус тус халдвар авсан бөгөөд өнөөдрийн байдлаар 800 орчим хүүхэд эмнэлэгт хэвтэн эмчлүүлж байгаа аж.

"Хүүхдүүдийн дунд халдвар тархах тохиолдол өндөр байгаа учир эрсдэлтэй газруудаар дагуулж явахгүй,  тоглоомын талбайд  хүн хоорондын зайг бариулах, айлд зочлох гэх мэт явдлаас зайлсхийх хэрэгтэй байна. Өнөөдрийн байдлаар 800 орчим хүүхэд эмнэлэгт хэвтэн эмчлүүлж байна. Хүүхдүүдийг вакцинжуулах судалгаа, татан авах хэлэлцээрийг хийж байгаа ба илүү дэлгэрэнгүй мэдээллийг тухайн үед нь өгнө. Ямартай ч эхний ээлжид төгсөх ангийн хүүхдүүдийг хамруулахаар төлөвлөж байна" хэмээн УОК-ын Хэвлэлийн төлөөлөгч Ц.Ганзориг мэдээллээ. 

Мөн халдварын 46 мянган орчим тохиолдлын 21.2 хувь нь 18-аас доош насны хүүхдүүд эзэлж байгаа гэж мэдээллээ.