Манай улсад 108 мянга гаруй хөгжлийн бэрхшээлтэй иргэн бий. Тэднийг насны бүлгээр ангилбал,  20-34 насныхан 21.7 мянга,  35-64 насныхан 64.4 мянга байгаа юм. Гэвч нийгмийн амьдралд тэгш оролцож чаддаггүй. Үүний нэг жишээ нь, хөгжлийн бэрхшээлтэй тэр дундаа хэл яриа, сонсголын бэрхшээлтэй иргэд цагдаагийн байгууллагад дуудлага мэдээлэл өгөхөд хүндрэл үүсдэг. Тэгвэл эдгээр иргэд цагдаагийн байгууллагын 102, 107, 108 тусгай дугаарт гэр бүл, хүүхдийн хүчирхийлэл болон бусад гэмт хэрэг, зөрчлийн талаарх дуудлага мэдээллийг мессежээр мэдэгдэх боломжтой боллоо.