БЗД-ийн 12-р хороонд байрлах Вьетнам авто засварын газарт машинаа засуултал нүүрсэн янданг нь солин оронд нь хямд үнэтэй, чанар муутай яндан тавьсан хэрэг гарчээ. Хохирогч жолооч үүнийг мэдэн уг засварын газарт гомдол мэдүүлэхэд "Камерийн бичлэг устсан учир мэдэхгүй" гэх тайлбар өгсөн байна. Энэ тухай хохирогч иргэн цагдаагийн байгууллагад гомдол гаргажээ.

Приус 20 маркийн автомашины нүүрсэн яндан нь зах зээл дээр 1.5-1.7 сая төгрөгийн үнэтэй зарагддаг. Иймээс жолооч нар аливаа засварын газарт автомашинаа засуулж дуусгаад машины бүрэн бүтэн байдлыг сайтар шалгаж үзэж байж авахыг анхааруулж байна.