МЗЭ-ийн болон Г.Сэр-Одын нэрэмжит шагналт яруу найрагч Цэндийн Доржсэмбэ агсны "Цас, бороо" ном хэвлэгджээ. Монголын Ардчилсан Холбооны Хэрэг эрхлэх газрын дарга С.Эрдэнэцогт, номын үйлч, "Артсофт" хэвлэлийн компанийн захирал Гаваагийн Ганзориг нар ивээн тэтгэж хэвлүүлжээ. 464 нүүр бүхий эл номд зохиогчийн амьд ахуйдаа хэвлүүлсэн "Хэнд би таалагдах ёстой вэ...", "Харсан тэнгэр", "Хэддэх бороо" гурван түүвэр бүрэн эхээрээ, "Бурханы зүрх" номоос нь хасагдсан 17 болон бусад нийт 58 шүлэг, 16 яруу найрагчийн Доржсэмбэд зориулсан 25 шүлэг, эрдэмтэн мэргэд, соён гийгүүлэгч, яруу найрагч, номын нөхдийнх нь бичсэн нийт 40 гаруй хүний 50 орчим хөрөг, дурсамж, судлал, шүүмж, сэтгэгдэл, сэтгэлийн зул, эмгэнэл, харуусал, Доржсэмбийн өөрийн бичсэн "Миний Өлзийт" нийтлэл, хэвлэлд гарсан хоёр ч хөөрөлдөөн багтсан байна.