Хорватад хүчтэй газар хөдөлсний улмаас амиа алдсан хүний тоо долоо болж нэмэгдлээ гэж тус улсын төрийн мэдээллийн агентлаг мэдээлэв.

Хорватын Ерөнхий сайд Андрей Пленковичийн мэдээлснээр, Петриньи хотод 12 настай охин нурангинд даруулсан бол хөрш Глина хотод таван хүн амиа алджээ. Байгалийн гамшгийн улмаас амиа алдсан долоо дахь хүний цогцсыг Зазин хотын сүмийн нурангин дороос олсон байна.

Мягмар гарагт Хорватад 6.3 магнитудын хүчтэй газар хөдөлсөн байна. Газар хөдлөлтийн төв нь нийслэл Загреб хотоос зүүн өмнөд зүгт 46 км зайтай газар 5 км-ын гүнд байжээ.