Эдийн засгийн байнгын хороо өчигдөр хуралдсан. Хуралдаанаар Төрийн өмчит хуулийн этгээдийн хувьцааг 2026-2028 онд биржээр олон нийтэд нээлттэй худалдах, төрийн өмчийг хувьчлах, өөрчлөн байгуулах үндсэн чиглэл батлах тухай” Улсын Их Хурлын тогтоолын төсөл /Засгийн газар 2025.12.18-ны өдөр өргөн мэдүүлсэн, хэлэлцэх эсэх/ хэлэлцсэн юм. Энэ үеэр УИХ-ын гишүүн Э.Одбаяр "МАН-ынханы "бялуу хуваалт" ТӨХК-иуд руу орж байна. Саяхан дэд сайд, Элчн сайд нараа томилж авсан. МАН-ынхан яг хуучнаараа сэтгээд байна. Хувьчлалын асуудлыг оруулж ирж байгаа боловч цаанаа үүнийг урагшлуулах хүсэл алга. Улс төрийн хэрүүлтэй үед л оруулж ирж байна" гэв.