УОК-оос үүрэг өгсний дагуу энэ сарын 05-ны өдөр Хууль зүй дотоод хэргийн яам, Эрүүл мэндийн яам, Мэргэжлийн хяналтын ерөнхий газраас хамтарсан ажлын хэсэг гарч ХӨСҮТ-д шалгалт хийсэн. Энэхүү шалгалтын дүнд гарсан зөрчлүүд нь:

1. Эмч, сувилагч, мэргэжилтнүүдийн өрөөнд халдвар, хамгаалалт алдагдах эрсдэлтэй. Тохижуулалт муу /эмч нар тухтай амрах суудал, хоол халааж идэх богино долгионы зуух болон бусад эд хэрэгсэлгүй/
2. Ариун цэврийн өрөөний халдвар, хамгаалалт алдагдсан. Эмч, ажилчид болон коронавирусээр өвдсөн өвчтөнүүд дундаа нэг ариун цэврийн өрөө ашигладаг. 
3. Эмнэлгийн 4 болон 7 тасагт өвчтөн нэмж авахгүй байх ЭМЯ-ны зөвлөмжийг дагаагүй. Нэг тасагт олон өвчтөн хэвтүүлж эмчилсэн.
4. Инженер техникийн албаны ажилчдыг есөн сарын туршид ковидын шинжилгээнд хамруулаагүй.
5. Эмнэлгээс гарч буй хог хаягдалд дотоод хяналт тавиагүй, холбогдох стандарт зөрчсөн.
6. ХӨСҮТ-ийн бохир, лаг цэвэрлэх байгууламжийн үйл ажиллагаа доголдож биологи, цэвэрлэгээний нацос эвдэрсэн. 
7. Лагийн өрөөнүүдэд ордог ажилчдын халдвар хамгаалалт алдагдсан. 
8. Цонх, хаалганы дулаан алдагдсан өрөөнд  өвчтөнүүдийг эмчилж байсан.
9. Есөн сарын хугацаанд эрсдэлийн үнэлгээ хийгээгүй.
10. Ковидын үед ажиллах хүний нөөцийн бэлэн байдлын төлөвлөгөө гаргаагүй 
11. Эмч, ажилчдын амрах ногоон бүсэд халдвар, хамгаалал алдагдсан зэрэг зөрчлүүдийг илрүүлжээ.