Хан-Уул дүүргийн 25 дугаар хороо, Сонсголонгийн замд 10 тн даацтай шатахууны машин төв зам руу орохдоо крантаа бүрэн хаалгүй хөдөлгөөнд оролцож, зам дээр 3-4 тонн дизель түлш асгасан хэрэг өчигдөр гарсан. Улмаар Сонсголонгийн замын хоёр талыг хааж, аюулгүй байдлын хангасан байдаг.

Түүнчлэн дизель түлш асфальтбетон хучилттай замыг муутгаж, гэмтээх магадлалтай тул шаардлагатай тохиолдолд замыг хуулж, хучих зардлыг буруутай этгээдээр гаргуулна гэдгийг холбогдох албаныхан хэллээ.