2025 оны Чөлөөт бөхийн насанд хүрэгчдийн дэлхийн аварга шалгаруулах тэмцээн өнөөдөр Хорват Улсын Загреб хотодэхэлж байна. Тус тэмцээнд Монгол Улсын үндэсний шигшээ баг эрэгтэй, эмэгтэй бүтэн багаараа оролцож байна. Өнөөдөр эрэгтэй төрлөөр эхэлж, 61 кг, 70 кг, 86 кг, 125 кг-ын жинд манай 4 бөх барилдана.

Тодруулбал, 61 кг-д Дэлхийн аваргын хүрэл медальт Т.Түвшинтулга, 70 кг-д Дэлхийн аваргын хүрэл медальт, Азийн наадмын аварга Т.Тулга, 86 кг-д Азийн залуучуудын хошой аварга Н.Батбилгүүн, 125 кг-ын жинд Дэлхийн аваргын мөнгө, хүрэл медальт М.Лхагвагэрэл нар барилдах юм.

125 кг-ын жинд М.Лхагвагэрэл эхний тойргийг өнжөөд, хоёрдугаар тойрогт Бразил, Германы бөхийн хэн ялсантай нь барилдахаар сугалаа гараад буй юм.