Сүүлийн үед Монгол Улсаас БНСУ-ыг зорьсон иргэд тодорхой шалтгаануудын улмаас хил дээрээс буцах асуудал үүсэж, иргэдийн бухимдлыг багагүй төрүүлсэн.

Гадаад харилцааны яамнаас зарим арга хэмжээнүүдийг авч, тус улсад холбогдох хүсэлтүүдийг хүргүүлсэн ч БНСУ-ын дотоод хууль, журамд нөлөөлөх боломжгүй учраас дээрх асуудалд тодорхой шийдэл гараагүй өдийг хүрсэн юм.

Тэгвэл өнөөдөр УИХ-ын Хүний эрхийн дэд хороо хуралдаж, Бүгд Найрамдах Солонгос Улсад зорчиж буй болон тус улсад ажиллаж, амьдарч байгаа Монгол Улсын иргэдийн зарим эрхийн хэрэгжилтийн талаар авах арга хэмжээний тухай тогтоолын төслийг хэлэлцэхээр болжээ.