Ази, Номхон далайн бүсийн "Аспак-2025" чуулга уулзалт өнөөдөр /2025.06.12/ Улаанбаатар хотод эхэллээ.
Тус чуулга уулзалтыг Улаанбаатар хотод 2 дахь удаагаа зохион байгуулж байгаа нь энэ юм. Өмнө нь НЗДТГ болон JCI Монгол байгууллага хамтран 2017 онд зохион байгуулж байжээ. Энэ удаагийн чуулга уулзалтад урьдчилсан байдлаар 70 орчим улсын 5000 орчим төлөөлөл оролцоно. Ази, Номхон далайн бүсийн "Аспак-2025" чуулга уулзалт энэ сарын 12-15-ны өдрүүдэд болох юм.
НЗДТГ-ын санхүү, эдийн засаг, хөгжлийн бүтээн байгуулалтыг эрчимжүүлэх төсөл, хөтөлбөрийн зохицуулагч Л.Хосбаяр “Дэлхийн залуучуудын чуулга уулзалт Улаанбаатар хотод болсноор олон улсад Монгол Улсаа, нийслэл хотоо сурталчлах боломжтой. Үүнийг дагаад аялал жуулчлал, эдийн засагт олон эерэг өөрчлөлтүүд гарна” гэв.
