Энэ оны гуравдугаар улиралд дэлхийн эдийн засгийн шинэ хямрал нүүрлэж болзошгүй талаар Эдийн засагч Н.Энхбаяр онцолсон байна. Тодруулбал, тэрбээр "Азийн зах зээлд уналт үргэлжилж, дэлхийн эдийн засаг хямралд алхам алхамаар дөхсөөр байна. 2000 оноос хойш Монгол Улс 3 удаанийн хямралыг туулж, улс орон, аж ахуйн нэгжүүд, иргэл багагүй хохирол үзжээ.

• 2008-2009 оны эдийн засгийн хямрал: богино хугацаанд огцом унаад сэргэсэн.
• 2013-2016 оны хямрал: Түүхий эдийн уналтаас үүдэн Монгол Улсын эдийн засгийн нөхцөл хүндэрч ОУВС-ын Өргөтгөсөн Санхүүжилтийн хөтөлбөр, донор орнуудын дэмжлэгээр даван туулсан.
• Ковидын хямрал: Ковидоос үүдэн улс орнуудын хоорондын худалдаа тэээрлэлт тасалдаж, манай улсын импортын бараа бүтээгдэхүүний үнэ ханш огцом өссөн.

Эдүгээ АНУ-ын Засгийн газрын баримталж буй MAGA буюу дотоодын зах зээлийг хамгаалсан хатуу бодлого, үүнийг хатуу шүүмжилж шударга бус худалдааны татвар тогтоож байгааг эсэргүүцсэн Канад, Европын Холбоо, Хятад Улсын зүгээс авч байгаа хариу арга хэмжээний үр дүнд энэ оны 3-р улирал гэхэд дэлхийн эдийн засгийн шинэ хямрал нүүрлэж болзошгүй байна" гэжээ.