Маргаашаас эхлэн хэрэглэгчдийн дуудлагыг нэг л дугаараар авна гэж "Улаанбаатар цахилгаан түгээх станц" ТӨХК-иас мэдээллээ. Тус газар өвлийн их ачааллыг давах зорилгоор хэрэглэгчдэд үйлчлэх төвүүдэд өнгөрсөн 2024 оны арванхоёрдугаар сарын 26-наас эхлэн өнөөдрийг хүртэл 7004-7004 утасны дуудлага хүлээн авах 64 шугамыг 120 болгон өргөжүүлж, хэрэглэгчдийн дуудлагыг 24 цагийн турш хүлээн авч ажиллаж байгаа юм. Тэгвэл Сонгинохайрхан хэрэглэгчдэд үйлчлэх төвд ажлын өдрүүдэд 24 цагаар, бусад Хэрэглэгчдэд үйлчлэх төвүүдэд ажлын цагаар ажиллаад дөрөвдүгээр сарын 1-ний өдрөөс хаагдаж байна. Тиймээс иргэд 7004-7004 утсаар холбогдож, мэдээлэл лавлагаа авах юм байна.